बदलियो कांग्रेस बदल्छौ देश

ग्रामीण समाजलाई केन्द्रविन्दुमा राखी सडक सञ्जालको विस्तार र मेलम्ची जस्ता ठूला आयोजनाहरू सुरु गर्ने नीतिले ७ हजार किलोमिटरको सडकलाई ८५ हजार किलोमिटर पुर्‍याउन र शुद्ध खानेपानीमा ८५ प्रतिशतभन्दा बढी नागरिकको पहुँच पुर्‍याउन सफल भयो

जलविद्युत उत्पादनमा निजी क्षेत्रलाई प्रोत्साहित गर्ने र सञ्चार क्षेत्रमा खुला प्रतिस्पर्धात्मक वातावरण सिर्जना गर्ने नीतिका कारण आज विद्युतमा पहुँच ९९ प्रतिशत पुगेको छ भने हरेक नेपालीको हातमा मोबाइल र इन्टरनेट पुगेको छ ।

स्वास्थ्य सेवालाई नागरिकको घरदैलोसम्म पुऱ्याउन मुलुकभरी विभिन्न तहको स्वास्थ्य संस्थाहरुको स्थापना गरेको प्रतिफल स्वरूप औसत आयुमा वृद्धि र मातृ-शिशु मृत्युदरमा उल्लेख्य कमी आएको छ ।

वि.सं. २०४८ पछि कांग्रेसले अवलम्बन गरेको खुला र उदार आर्थिक नीतिले निजी क्षेत्रलाई लगानी र उत्पादनको अग्रणी भूमिका दियो, जसले गर्दा बैंकिङ, उद्योग र सेवा क्षेत्रमा व्यापक विस्तार भई सरकारी ढुकुटी र राजस्वमा ऐतिहासिक वृद्धि सम्भव भयो ।

माध्यमिक शिक्षालाई पूर्ण रूपमा निःशुल्क बनाउने, गाउँ-गाउँमा सामुदायिक विद्यालय स्थापना गरी सबै वर्गका लागि समान अवसर सुनिश्चित गर्ने कांग्रेसको नीतिले युवा साक्षरता दरलाई ९० प्रतिशतभन्दा माथि पुर्‍यायो ।